回顧:
睇左兩套戲 一套"同門" 一套"單身大急救"
bb 生日 搞左個party 好耐無玩過所以玩得開心 雖然有嘔但係都清醒離場
只不過搭的士個陣昏睡左吧了
工作上面已經心灰以冷 成日夾係中間真係好煩 唔俾我放假仲煩
不過咁 我都有心整理下個位 擺左個新月曆(2010年都未到就擺左 哈哈)
同埋換左張新相 (換左姊妹們係坪洲影既相
)
大家個樣其實無乜點變 仲可以講得出大家個名 只係個樣老左 哈哈
以前我地個班0的女仔係高過哂男仔架 今日一見發覺個個男仔都牛高馬大
我地女仔就好似無高過咁 果然女仔係比較早熟
多得facebook既發明 我地竟然有機會可以聚埋一齊 有21個同學仔出席呀
差幾個就湊夠一班喇 好開心好懷念以前嬉戲既日子
希望下次再搞聚會喇 唱k唱k唱k !!!
p.s. 今日同精影左張"結婚相" 係預備俾大家擺係對方婚禮條片既結婚相
因為需要update下大家個樣 哈哈!!!!!!!
]]>______________________________________________________________
喜事一則 : 朋友下年結婚了 好開心
_______________________________________________________________
悲事一則 : 一對已準備結婚既情侶因為一件事而分手
唔止有全天下男人都會犯既錯誤 亦都有全天下女人都會犯既錯
信任係維持開係既一個好重要因素.pls..dont check yr bf sms/ facebook etc..
ex始終都係ex 請相信當下佢最愛既係你
_________________________________________________________________
最近超級極度燥底 只係見到三叔既時候先識開懷大笑同忘記煩惱
]]>回顧:
睇左兩套戲 一套"同門" 一套"單身大急救"
bb 生日 搞左個party 好耐無玩過所以玩得開心 雖然有嘔但係都清醒離場
只不過搭的士個陣昏睡左吧了
工作上面已經心灰以冷 成日夾係中間真係好煩 唔俾我放假仲煩
不過咁 我都有心整理下個位 擺左個新月曆(2010年都未到就擺左 哈哈)
同埋換左張新相 (換左姊妹們係坪洲影既相)
今次睇5條0係係戲院睇 (我應該好耐好耐都無係戲院睇鬼片
我意思係真係鬼片 對上個套應該已經係貞子 =.= 如果我有錯的話請糾正)
睇trailer個時我覺得呢套戲好驚的 特別係那隻女鬼 開頭個4個故事有0的
好無聊 有0的係驚驚地 所以我睇個時都有遮住 點知睇到最尾以為最驚點知
笑到我肚痛 那隻女鬼既造型真係無得頂 但係個故事真係好funny
呢套戲既編排非常好 睇完一輪驚既之後整個勁好笑既等人舒緩下個情緒
睇完出黎我同三叔都笑到收唔到聲 絕!!!
睇雜誌見到日本有部反枱機而香港都應該將會有 我同三叔講話部機一黎到
香港我要去玩 我要去發洩一下呢個零月我不滿既情緒 勢要去反枱!!!
]]>打到4點幾就收局 又未夠鐘等三叔放工 多得姜師奶
陪我傾一陣計又玩一陣sinoya又訓一陣之後就走喇
會合三叔去食早餐再去睇早場既"D-9 異形禁區"
套戲開頭真係悶悶地 好彩去到中段到尾都起碼緊張番少少
唔係一般既特技片 係有少少深度
睇完戲返到屋企仲要睇埋"西遊記大結局" 先肯訓
(因為上個禮拜睇左上集 想睇埋下集 哈哈)
訓左3個鐘又要起身去bbq 
燒下野食玩下啤牌又玩到12點
好眼訓 x 100 但係都有靚月光睇 都算係人月兩團圓既
老闆一早請落去pacific coffee飲咖啡 當然唔止飲咖啡咁簡單
唔好黑口黑面 我ok 我明有時做人係要假0的 就算幾唔開心/幾嬲都好
都唔好擺哂個樣出黎俾人睇 所以以後對住gm都要笑
得罪gm既後果可以會被lay off 因為唔想我被lay off 所以叫我如果gm有
任何既要求都要絕對服從even佢係錯 even佢既決定足以影響公司既生意
同營運而最終隻鑊都係我地揹
呢0的叫妥協/ 難聽0的講句係向惡勢力低頭 真係好難接受
已經逐點逐點list哂出黎同佢解釋佢呢個決定會有好大既影響 講一次唔聽
講兩次唔聽 講三次都唔聽既時候 一意孤行之餘仲要我揹呢隻鑊 似乎一0的都講唔通
學識做人要假要耍手段同埋要學對付一0的陰則既人
that's the way but it's not my character
]]>因為本人係未入過坪洲 其實想入去好耐 聽聞入面既蝦多士好好味
姊妹們又夾到時間當然黎個坪洲+愉景灣行喇
總結:
1. 個蝦多士並非想像中咁好味
2. 行手指山先要行200-300級樓梯 簡直攞命
3. 大唔透咁係度勁玩勁跳 真係好耐都無試過喇 但係好開心
4. 坪洲並非我想像中咁孤島 起碼舒服過長洲
5. 愉景灣真係好正 環境優美住得過 但係先決條件係$$$$
每年十.一都去行山都係一個唔錯既idea
p.s. my dearest friend..坪洲嫁得過 哈哈
]]>"偽能叛變" 唔錯 人性始終係最珍貴 同住係一間屋但唔係面對面講野
而係對住個假人講野咁有咩意思 所有做既野都唔係自己親手做人生都無咩樂趣
"時光旅的戀人"係最近唯一一套戲令我感動到喊既戲 如果我係個女主角
個男朋友/老公成日失驚無神唔見左或者失驚無神出現 (仲要幾年後先出現)
我諗我會發癲 仲係要等一世..
]]>兩套都俾我想像中差 "求婚的惡魔"只可以話係搞笑片而唔係愛情片
"意外"就真係好"意外", 意外到我唔覺得係"意外"
公司終於小裝完畢 我同阿姐決定將我地個位大執 由原本對住坐變左平排坐
而家我個位有點兒自閉 自閉得黎唔錯 訓覺都無人知 哈哈
]]>
第一次見到"林滙文"真人 佢真係有好多fans 但係我真係唔鍾意聽
"let's get wet" 不過真人係幾靚仔同埋william都好靚仔 哈哈
今日下晝去飲茶兼做節 而家每次做節我都好怕 因為嫲嫲每次都講
遺產既野 今次仲派埋遺囑copy 令到我有不安既感覺
夜晚睇劉翔比賽 真係好緊張 估唔到佢會跑第二 好勁呀
今晚好多電視節目睇 我又想睇超級巨星 又想睇mr.&mrs. smith
又想睇怪談 又想睇特務阿7 最終揀左睇怪談 之後三叔拎返隻mr.&mrs.smith
隻dvd出黎陪我睇 wakaka 睇到3點幾 超眼訓 @@@
]]>唔知係咪已經睇左1,2,3集 知道大約都係咁既劇情
基本上第4集係完全無驚喜 係知道哂順序邊個死同點樣死
唔同既係3D真係比2D更核突咁解 爆頭爆腸見腦漿 幾核突有幾核突
睇睇下都用件褸遮住 不過..個結局好hea
應該唔會再有第5集
]]>
無哂驚喜 三叔唔知結局所以佢覺得好好睇 一致覺得那個妹妹真係做得好
令人有不寒而慄既感覺
睇完仲趕得切返去睇大結局 黃子華話女人最鍾意係"發脾氣"同"買野"
三叔即刻話係囉
咁安靜咁唱lady gaga無咩feel添 要一大班人跳下舞玩下應該會好0的
唱哂新歌無咩好唱就唱懷舊金曲 高峰期阿精小姐點左2版半eason 我諗
今晚佢應該唱左近30隻eason既歌 (應該無計錯喇呵~~~)
我真係點懷舊金曲架 好似夢醒時份, 執迷不悔,但願你明白(記唔記得呢隻係咩歌呢 哈哈)
下次應該點埋黎瑞恩,劉小慧,湯寶如個0的 我想唱'絕對是個夢' 哈哈哈哈
]]>拿拿臨返屋企訓覺 夜晚再去姜師奶度打牌 尋晚手風超順
出乎意料地食左舖小四喜混對么九 算係我打牌咁耐以黎最大既一舖牌
打到朝早7點幾就去搵三叔食早餐同睇早場 睇左laughing gor
吳鎮宇同黃秋生好掂&好型 不過睇呢套野好似睇緊tvb劇集咁
全部都係tvb人黎既 =.=
今晚呢個係新城台慶既音樂會 有kay,克勤,gigi,千嬅,阿sa, fama,
ivana, soler & judgetin 是晚坐左係fans堆 兼且做埋0的我十幾歲
個時做既野 哈哈 陪阿姐癲一次無所謂喇 全場大合唱男人ktv 唱到把聲拆拆地添
是晚更有驚人大發現 話說gigi出場個陣時有5個fans上台送花 竟然俾我
發現我另一個同事係其中一個 =.= 佢落台個時係我隔離行過 我地嗌住佢 大家大笑
我地0的同事真係.......